Ki Jab Main Hadd Se Aage

Badh Gaya Tha Aashiqui Mein

Yaani Zindagi Ko Le Raha

Mazaak Hi Mein

 

Phir Mazak Hi Mein

Mil Gaya Sab Khaak Hi Mein

Chhu Kar Aaya Manzilein Toh

Tanha Tha Main Wapsi Mein

 

Jaise Phool Tode Honge

Tumne Jholi Bhar Ke

Main Woh Phool Jo Ke

Reh Gaya Tha Shakh Hi Mein

 

Jaise Khwaab Hi Main

Khwabgah Ankh Hi Mein

Pal Se Pal Mein Kya Hua Tum

Reh Gaye Bas Yaad Hi Mein

 

Ek Sawaal Machalta Hai

Mere Dil Mein Kabhi

Tujhe Main Bhool Jaaun

Ya Tujhe Main Yaad Karun

 

Tujhi Ko Soch Ke Likhta Hoon

Jo Bhi Likhta Hoon

Ab Likh Raha Hoon Toh

Phir Kyun Na Ek Sawaal Karun

 

Main Iss Sawaal Se Gham Ko

Badal Doon Khushiyon Mein

Par In Be-Jaan Si Khushiyon Se

Kya Kamaal Karun

 

Par Ab Sawaal Bhi Kamaal

Tu Sambhal Le Filhaal

Yeh Zawaal Bicha Jaal Kya

Main Chaal Chalun

 

Chaal Chal Tu Apni

Main Tujhe Pehchan Luga

Main Apni Mehfilon Mein

Sirf Tera Hi Naam Looga

 

Tujhe Pasand Hai Dheema Lehja

Aur Bas Khamoshiyan

Main Tere Khaatir Apni

Khud Ki Saansein Tham Luga

 

Kya Tere Saare Aansu

Mere Ho Sakte Hain

Aisa Hai Toh Tere Khatir

Hum Bhi Ro Sakte Hain

 

Mere Khatir Mere Rone Par

Ab Tum Bas Hans Dena

Ek Bar Tere Muskurahat Ke Pichhe

Hum Sab Kuchh Kho Skate Hain

 

Kya Meri Mohabbaton Ka

Koyi Hisaab Nahi Hai

Kyun Tere Aankhon Mein

Mere Liye Koyi Khwaab Nahi Hai

 

Tujhe Kya Hi Karun Ghamzada

Ab Jaane De

Ke Tere Paas Mere Pyar Ka

Jawaab Nahi Hai

 

Kitni Muddatein Hui Hai

Tumne Khat Kyu Nahi Bheja

Gaa Leta Hun Tere Liye

Mausiqi Nahi Hai Pesha

 

Aane Ki Khabar Hi Nahi Tere Ab

Ab Kya Mausamon Se Puchhun

Tere Aane La Andesha

 

Aankhon Mein Aansu Nahi Hai

Kahaan Hai Tu Kahaan Tu Nahi Hai

Dil Ko Yeh Ab Jaan’na Hi Nahi

Bas Tu Chale Aao

 

Tu Hai Kahan

Khwabon Ke Iss Shehar Mein

Mera Dil Tujhe Dhoondhta

Dhoondhta Arsa Hua

 

Tujhko Dekha Nahi

Tu Na Jaane Kahan Chhup Gaya

Chup Gaya

 

Aao Phir Se Hum Chale

Thaam Lo Yeh Hath

Kar Do Kamm Yeh Faasle

 

Na Pata Ho Manzilon Ka

Na Ho Raste

Tu Ho Main Hoon Baithe Dono

Phir Hum Taaron Ke Tale

 

Na Subah Ho Phir

Na Hi Din Dhale

Kuchh Na Keh Sake

Kuchh Na Sunn Sake

 

Baatein Saari Woh

Dil Mein Hi Rahe

Tum Ko Kya Pata Hai

Kya Ho Tum Mere Liye

 

Kehkashan Ho Tum

Kahaniyon Ki Pariyon Ki

Tarah Ho Tum

 

Mujhmein Aa Sake Na Koyi

Iss Tarah Ho Tum

Ho Yakeen Tum Mera

Ya Phir Ghumaan Ho Tum

 

Aashiyan Ho Tum

Main Bhatka Sa Musafir

Aur Makaan Ho Tum

 

Meri Manzilon Ka

Ek Hi Raasta Ho Tum

Dhoondhta Hai Dil Tujhe

Bata Kahan Ho Tum Hmm..

 

Ho Jahaan Kahin Bhi

Aao Paas Taaki

Aansu Mere Tham Sake

 

Yaad Aa Rahe Ho Tum

Mujhe Ab Har Lamhein

Aisi Zindagi Ka Kya

Jo Tum Zindagi Mein Hoke

Meri Zindagi Na Ban Sake

 

Sochta Rahun Ya

Bhool Jaaun Ab Tumhein

Tum Mil Hi Na Sakogi Toh

Fir Kaise Chahu Ab Tumhein

 

Tere Saare Khwaab

Pal Mein Jod Denge

Jisme Tu Hi Na Basega

Phir Woh Dil Hi Tod Denge

 

Chhod Denge Woh Shehar

Ke Jisme Tum Na Hoge

Toot Jayenge Makaan

Woh Saare Hasraton Ke

 

Guzre Pal Jo Saath Tere

Woh Pal Hai Bas Sukoon Ke

Mil Lo Ab Tum Iss Tarah

Ke Phir Nahi Miloge

 

Tu Hi Tha Saath Mein Mere

Kaise Main Jeeyuga Akele

Taare Ginn Ginn Ke

Ho Gayi Hai Subah

 

Tu Hai Kahan

Khwaabon Ke Iss Shehar Mein

Mera Dil Tujhe Dhoondhta

Dhoondhta

 

Arsa Hua Tujhko Dekha Nahi

Tu Na Jaane Kahan Chhup Gaya

Chhup Gaya